Mogadishu- October 24, 2006 Maamulkii hore ee gobolka Sh/dhexe oo dhowaan la kala direy ayaa maanta si rasmi ah ugu wareejiyay xubnaha cusub ee xilalkaasi loo magacaabay maamulka gobolka, ka dib munaasabad ka dhacday mnaanta magaalada Jowhar.

Sheekh Cismaan Max’ed Max’uud oo ah gudoomiyihii hore ee maamulkii KMG ahaa ee gobolka Sh/dhexe ayaa ku wareejiyay Sheekh C/salaan Xasan oo dhowaan uu soo magacaabay gudoomiyaha golaha fulinta maxaakiimta islaamka Sheekh Shariif Sheekh Axmed.

Munaasabaddan oo ka dhacday maanta magaalada Jowhar ayaa waxaa sidoo kale xialalkoodii wareejiyay dhamaan xubnihii hore ee maamulka, iyadoo waxii maanta ka dambeeya howlaha gobolka wax laga weydiin doono maamulka cusub.

Dhowaan ayaa Gudoomiyaha golaha fulinta Sheekh Shariif uu gaaray gobolka Sh/dhexe, isagoo kala direy xubnihii maamulkii KMG ahaa, una sameeyay gobolkaasi maamul cusub.

Xafiiska Muqdisho

Allgedo News Media Network (ANMN)
allgedo@allgedo.com