Allgedo! Sports, Monday,  Dec. 12,  2005

Kooxda Somali Windsor ayaa si xarrago leh uga guulaysatay Somali Detroit!
 

Somali Windsor 12, Somali Detroit 7

Detroit,  December 28, 2005

By Ahmed Al-matary
aamatary@hotmail.com

Faafin:  Allgedo Online, December 30, 2005





Detroit - USA - Kooxda caanka ah ee Somali Windsor ayaa Somali Detroit ku dardartay 12 gool,  kaddib markii ay casumaad ka heleen kooxda Detroit ayay labada kooxood isku arkeen Garoonka dedan oo ku yaala magaalada Ypesilanti oo ah nawaaxiga Detroit, Michegan.

Dhowaantaanba Somalida reer Detroit ayaa ku mashquulsanaa sidii ay u qaabili lahaayeen kooxda xoogga wayn ee Windsor, halkaas oo ay kooxdu caan ka noqdeen kaddib markii ay Somali week Toronto ka galeen kaalinta labaad iyagoo Rigoorayaal ay uga adkaatay kooxda Banaadir, kaddib markii 2-2 la isla mari waayay. Sidoo kale Somali Windsor waxay ku guulaysteen koobka Ururka Isutagga ee kooxaha Windsor Seria A oo sanad kasta lagu qabto Windsor. Windsor Fall League ayay haddana kaalinta labaad ka galeen, Windsor Winter League ayay imminka ku jiraan oo bilaaban doona January 8, 2006, kaasoo aad kala socon kartaan websitekan Allgedo Online hadii uu rabi raali ka noqdo:

http://www.leaguelineup.com/standings.asp?url=wyisl&sid=239863469&divisionid=154102 

Haddan u noqonno ciyaartii dhex martay labada kooxood ayaa u ekayd mid hal dhinac keliya ka socota, kaddib markii ay garoonka isku heleen rag caan ka ah garoomada waddanka Kanada oo uu hogaaminayay Maxamuud Imigration (Goysmo) oo isagu goysmo nooc walba leh reer Detroit ku dhigay, Faragaab oo wacdaro la yaab leh dhigay iyo Yaasiin oo isagu markii ugu horaysay muddo laga joogo laba sano ka ciyaaray dhexda, Maxamuud iyo Faragaabna sheekada sahal uga dhigay oo weliba 3 gool oo wada kala qurux badan dhaliyay, sidoo kale difaaca waxaa ku dhamaa labadii laacib oo Toronto looga sheekaysanay Somali week oo kala ah Maxamed Deeq iyo Farxaan Xalane, waxaase xiddiga garoonka ahaa Mr. Yusuf Jihaad oo isagu ugu yaraan laba Hatrick xalayto garoonka kala tegay.  Caruurta yaryar oo reer Detroit ayaa iyagu ka yaabay hal gool oo Yuusuf intuu seexday Madaxa si jees-jees ah ugu dhaliyay, kaddib markuu difaaca soo kal jebiyay. Xaaji Yaxye ayaa isaguna habeenkaas garoonka aad uga muuqday, Axmed Shangahaay iyo Hardway (oo isagu muddo dheer ku maqnaa Edmonton Canada) ayaa iyaguna Wacdaro dhigay, Gool qurux badan ayuu Hardway ka xireeyay reer Detroit. Laacibka khabiirka ah ee Yaasir ayaa isagu goobta ka maqnaa, duruufo la xiriira xagga sharciga dartood.

allgedo@allgedo.com